運輸署車輛過戶Walk-in排幾耐?(2022年5月)

因疫情關係,運輸署復工後日日都排長龍,我有幸於5月頭做到車主(2手車),所以親身經歷了整個過程,特別寫文留個紀錄,讓各位師兄師姐參考。

我在4月28日成日搵到部想要的二手車,已付好訂金,再開始研究整個轉名手續(車輛過戶)。

首先車輛過戶是可以網上預約,但預約完都要親自到運輸署辦手續的!

我在4月29日上運輸署個網預約,最快個期都要5月尾(全港都是),而且上網見到其他人話預約咗去到都係要排隊(新聞話要排7-8個鐘)。

上網不停爬文,都唔見話Walk-in可以做車輛過戶,打電話問又無人聽,政府1823都問左(1個星期後先覆我),最後我決定親自上去打探一下。

在5月3日下午3:30,我去到九龍牌照事務處(長沙灣),可以直接入去排隊,問過職員話大約排1.5小時就可以,她說算是近排比較短的人龍了。

我再追問如果一早9點來排會否更好?她說不可能,因為好多人早上6點幾就嚟排隊…….

最後我在5月4日上午11點去到九龍牌照事務處(長沙灣),排隊排到上3樓(牌照事務處是2樓)。

11:32(32分鐘後)我成功排到落2樓。

11:39,龍尾已經停在2樓,如果我而家先嚟,其實可以排少30分鐘…..

12:18,成功入到去排車輛牌照的隊,我粗略數過,大約有70人在我前面,職員話大約要75分鐘。

13:22,終於輪到我!結果是排了2小時22分鐘。

大約5分鐘完成手續,再去坐低等叫名,再過5分鐘就可以付款,完成整個轉名手續。

最後補一句,在運輸署外排隊,唔建議去廁所!

但入咗去之後,可以同職員講想去廁所,佢會比個籌你,再知會你後面嘅人要認住你,咁就可以了。

小小經驗分享,希望幫到各位車主!

發佈回覆